BISSICLETTA

• Giru di a Corsica.

Dopu quattru centu chilometri di corsa, durante quattru ghjorni, Dumè Bozzi po esse fieru di a scumessa fatta. Yomi Beauquis hè vintu u Corsica giru 2007, davanti à Frech è Lopez. Si parla digià di u giru di u 2008. U ciclisimu ritrova tutte e so speranze, grazia à urganisatori tale Dumè Bozzi.

• “U ricordu” Jeannot Serra.

Nant’à a cullata di l’Ospidale, Patrick Vega (CSCA) hà vintu a corsa in memoria di Jeannot Serra. Julien Alvarez (2u) è Eric Mela (3u) anu tenutu capu, ma senza pudè fà megliu.

• A corsa di Casatorra vinta da Cyril Vincenti.

Dopu trè giri è un’ora di corsa, Cyril Vincenti cum’è ognunu a s’aspittava in Casatorra hà vintu issa corsa, di fronte à Loschman è Saint Sever. Lippini (minimi) è Carlotti (sculari) anu vintu ind’è ste categurie.


KING BOXING

In Pariggi, u Ring Bastiacciu di J-M Paoli hà vintu trè medaglie d’oru incù Azzouzi (60 chilò), Anna Laura Monciovi (64 chilò) è Valière (56 chilò).


JUDO

In Aiacciu, u terzu turneu J-P Le Sanquer hè statu vintu da u Judo Club di Bastia.


CORSA À PEDI

• Bouchafra senza nisunu prublema nant’à i 10 chilometri di Lucciana !

U sucetariu di l’AJB incù 41 minuti d’avanzu sopr’à A.Lammie, di l’AJB anch’ellu è più di centu spurtivi, hà pruvatu torna ch’ellu era un grande campione dopu un’ altra vittoria in Lecci di fronte à Seta è Taouri.

• Per Franck Biaggi, a corsa muntagnola di a Santamariaccia !

Per a terza annata, Biaggi hà vintu sta corsa difficiule nant’à e cime di u Taravu. Luciani, Hanciar è Albertini anu fattu u massimu ma Biaggi era troppu forte.
Stefania Mattei davanti à M-L Finocchi hà vintu ind’è a categuria di e donne.


TENNIS

Torna à Lurenzu Mazzetti !
6/0 –6/1 , Lurenzu Mazzetti, senza trimà, hè statu cunsacratu campione di Corsica 2007 in faccia à u giovanu spurtivu di u T.C Munticellu : Anthony Graziani. Ghjè u cinquesimu titulu per Lurenzu di u T.C Miomu.
In terza seria, Lokoli hà sfattu à Zucconi à u termine di un scontru o quantu strintu è seguitatu da u publicu.


BASKETT BALL

Dopu i zitelli, a cuppa di Corsica hè stata vinta da U Viscuvatu.


TENNIS DI TAVULA

Sei tituli in finale Regiunale per u PPC Bastia, in Corti, è più di 120 cumpetitori anu participatu à sta reunione.


CHJOCHI DI L’ISULE

Più di trè mila spettatori è spurtivi si so ritrovi in Bastia, piazza san Niculà, per l’apertura di l’11i ghjochi di l’isule. 23 isule per i ghjochi è 15 per a cuppa di l’isule sò state in cumpetizione da u 21 à u 25 di maghju, cù u sustegnu di l’UNESCO. Petru Santoni, presidente d’issa urganisazione, pò esse fieru di u risultatu.


BALL TRAP

Pasquinu Taddei hè diventatu campione di Corsica d’issa disciplina. Salutemu a so vittoria.