Ghjocu à Ballò

Cuppa di Corsica
U stadiu di Puretta in festa ! nant’à u terrenu di Lucciana, u SCB, nò senza difficultà, hà vintu 3-2 a 77e finale di a cuppa di Corsica contr’à s squadra di Pieve di Lota. I capi cursini di u presidente Sigurani anu fattu più chè difendensi faccia à una squadra di u Sporting, certa superiore ma chì ghjè stata in cattiva postura in parrechje volte. « cappellu bassu » dunque pè i ghjucadori di JP Acquaviva, chì teneranu u ricordu tamantu dopu issa finale.


Turnei di i giovani

À i Fulelli, Bravona è u Gallia Lucciana sò stati in vista. A u turneu di u FCCA, u stadiu di Petralba hè statu anch’ellu in festa dopu cinque ghjorni di scontri tanti disputati.


Rugby

Bastia XV campione di Corsica faccia à a squadra di u RC Aiacciu, dopu a so vittoria 12-6, pè u più grande piacè di Michel Guillaumin, presidente à vita, di a squadra maraninca.


Judo

Filippu Mariani di u dojo di Bastelicaccia, hà vintu a medaglia di bronzu ind’è a categuria di i più di centu chilò. Sta cumpetizione si passò à l’institutu naziunale di Pariggi.


Bicicletta

Ciriliu Vincenti hà vintu a corsa Tirrenia Classica, davanti a quaranta spurtivi, urganisata da A Stella Bastiaccia. U secondu fù Hueto, sfattu à u sprint.

D’altronde, u VI giru di a Costa Verde hà torna vistu a vittoria di Vincenti, davanti à Eric Mela. Una bella corsa è un bellu campione, sopr’à e starde di a aprte di San Niculau.


Moto

Primu Rallye di Corsica di Moto, nant’à a strada, hà vistu, in Purticciu, a vittoria di Serge Nuques davanti à Stattuto è Siaux. L’aiaccinu Stattuto chì pilutava una moto d’origine hà persu pè solu 8 seconde.


Basket ball

A salla Carlu Orlanducci hà vistu Furiani, Bastelicaccia è u Viscuvatu esse à l’onore pè ste finale di a cuppa di Corsica.

Jacky Gauthier hà permessu à l’EFOB di riparte in cumpetizione dopu qualch’anni di difficultà. Una bona cosa pè a ghjuventù di a sala Petru Mainetti chì hà fattu tantu pè u basket isulanu.


Auto

Rallye naziunale di a Costa Serena : JM Pietri hà scrittu torna u so nome à u palmaresdi a corsa di a Costa Serena. Dopu à u tandem Pietri-Courreges (306 kitcar) si trova De Meyer (2e) è Giovanni (3e). una bella corsa è una seconda vittoria pà Pietri dopu à quella di u 2002.